February 4, 2011
شىء غريب الفراق على أو تعبه على قد حزنه أو فرحه أو حتى نضجه, على قد
كل تناقضاته أو احساسه , احساس مقبوض بطعم اللذة...حنين بطعم الرغبة...كل
شىء جديد و كل شىء حر. حاجة غريبة انك لما تفارق ناسك شىء جديد جواك
بينفجر, شىء كان مكبوت محبوس و مستنى تفرج عنه, ناس جديدة مكنتش عمرك شفتها
و حاجات جديدة مكنتش حتى بتحلم تدوقها
من 10 سنين مكنتش
أعرف كل ده, كنت أعرف مرارة و حزن على شوق و حنين و قلة حيلة. النهاردة
جديد, النهاردة حرية, النهاردة...كل شىء حلو. لكن نفسك فى حد يعرفك و يعرف
قديمك ...يعرف اللى جواك من زمان لحد ماتكتشف انه مكنش عمره عارفك و لا حس
بيك لانه مشافش و معاشش حاجاتك و حتى لو
يفضل الحب و
الذكريات, على شط و رملة ناعمة بتلزق و متقدرش تطلعها من جلدك, ريحة صعب
نسيانها و العيش بدونها. لكن انت مش مسافر همه اللى ماشيين و مش راجعين,
صعب الرحيل لكن الأربطة مسيرها بتتقطع و تفضل ذكرى يوم و أيام. يا تزعل
عليه يا تفرح و تقوم تنفض التراب و تعيش حريتك
أنا هعيش لانى
مبقيتش أعرّف نفسى بالثوابت, أنا بنت ملك بس مش فى لبس أميرة, حياتى رايحة
و جاية, و خبرتى تتملى زى المحيط و الناس بتعدى علي أو أنا بعدى عليهم زى
الريح و أفضل بنت ملك مبتقهرش و مبتكسرش. الموج مصاحبنى و "الشتا" بيدفينى و
الرياح تطلقنى و لا حاجة تقيدنى
